LANCÔME

淨澈亮肌精華水(Clarifique極光水) (已停產)

呢支極光水一直都係大熱產品，日本網評一致讚好，攪到我都心郁郁想試吓😛佢嘅瓶身中間有一支打泡器，可以將雙層精華配方打成細泡，有助加強皮膚吸收，不過我係倒落化妝棉用所以對我來說作用不大😆只係純粹將爽膚水同面層精華油溝勻。我一向洗完面會用化妝棉+爽膚水來做第二次清潔，本身都擔心含油份嘅爽膚水對混油肌來講會太油，但係其實佢唔單止冇油膩嘅感覺，反而令皮膚好細緻滑溜，滋潤得來好乾淨好清爽，感覺好舒緩，而且最大滿足感係抺完面見到化妝棉上嘅污垢，真係好治癒😂😂用咗一排覺得皮膚白淨有光澤左，毛孔都冇咁明顯，我覺得效果係相當之唔錯，不過相對價錢都比較貴，買套裝送多啲細size感覺上會抵啲。