OXY

OXY 快治蓋療暗瘡露

這個好用，是一款有色的暗瘡膏。每天戴口罩很容易會出暗瘡，出暗瘡後如果需上妝，通常都會用遮瑕膏，但用這款膚色的暗瘡膏後，可以省略遮瑕膏部分，所以值得一購，又不會因為太多妝物影響皮膚更差，又可以治療暗瘡，一舉兩得。

以前中學時代用過, 呢個牌子仲有出快治5 快治10 呢支貪新鮮話有遮瑕作用 但係擠出黎係比較深色，搽上暗瘡我覺得反而更明顯更礙眼

快治5號同10號嘅暗瘡膏我都有用過 都好喜歡 但cover依款真係吾建議買 首先佢嘅顏色太深 又橙又紅咁 搽左上臉非常顯眼 佢搽上臉都係好乾而且去痘功效不及快治5號同10號 我覺得無乜必要買依支

呢款暗瘡膏效果真係麻麻地，首先去暗瘡嘅效果係零，用完皮膚會變紅，唔值得一試，雖然價錢唔貴

中學時代必買之平民産品，用後暗瘡位置會變乾，甚至脫皮，加速暗瘡凋謝。但色調頗深色，與我偏白的膚色有色差。

有色的暗瘡膏 但色差太明顯反而令暗瘡更明顯 而且份量用多會好乾

的確可以令到暗瘡快速咁謝咗，不過如果係石頭瘡用嘅話，就會持續幾日都仲係有一舊硬物咁，修復得比較慢。 通常我會喺準備生暗瘡（即皮膚開始有啲紅腫）嘅時候搽，咁樣係最好嘅方法。

以前一直用開oxy5同10，見聲稱可以當遮瑕用，就買支試吓，顏色比用緊粉底液深好多度，無辦法融入底妝，質地同另外兩支oxy 一樣，係偏稀嘅cream狀，無遮瑕膏定點固定嘅能力，好易俾美妝蛋推開，根本唔能夠當遮瑕膏咁用，同暗瘡謝咗之後會留紅印

唧出嚟係偏深嘅foundation咁嘅顏色，質地偏流身，搽完要等一陣先會乾，而且乾咗會變石膏咁嘅質地，同膚色完全唔夾，唔好諗住搽完可以當遮瑕膏咁出街，去痘嘅效果係有嘅，不過都係會抽乾埋附近皮膚嘅水份，個人麻麻哋推薦。

的確令到暗瘡好快謝，尤其係好q大粒既石頭瘡！！！不過第一次用記得唔好搽咁多，皮膚未適應啲成份會好乾乾到甩皮，建議用量少少少少咁加。 不過我覺得佢話cover，一啲都唔遮。因為佢個色都好深我諗佢比起市面上既自然色粉底仲深，你搽完會好明顯深左同橙左一pat~ 仲有如果你搽得太厚，隔一排佢會乾左開始龜裂

個色得一款，好難推，乾得快，色差太明顯根本唔想出街用，搽落去係有消炎同抑制痘痘功效，但太強勁，用既份量太多會乾到扯住皮膚

膚色唔match，有啲奇怪，好快乾，但係個人覺得對暗瘡冇乜幫助其實

可以有效令暗瘡更快凋謝,但之後會令到皮膚變乾,要小心使用。