Rosy Rosa

多用途粉撲

Rosy Rosa小眾平民化嘅日本牌子，有多款粉撲同化妝掃可以選擇。依款係今年情人節限定嘅顏色嘅mocha顏色☕️於日本藥妝店購買，香港都差唔多價錢，6xx yen，不太貴。 多用途粉撲用於濕粉、液體、乾粉都可以，這款係厚版本有粉撲，有時我會用於輕印胭脂膏。粉撲質地厚實，建議打濕使用，真心好用不存在吃粉。 太好用嘅關係，每次都會認真清洗，已經重複多次使用都冇爛有爆開。

多用途粉撲👍🏻比一般粉撲厚實，拎上手有質感，雖然日本牌子中國製造，但質素唔錯㗎。 粉撲質地軟綿綿，我習慣先用粉底掃把粉底液掃開，然後噴Evian 水打濕粉撲，再用粉撲拍勻粉底液，因為佢實在好軟熟，即使大力啲拍上面都冇問題。感覺粉底液拍得好均勻，同時保留遮瑕力，整體妝感係貼服而透薄。 之前真係試過用其他牌子嘅粉撲拍出嚟嘅效果係唔夠好，而rosyrosa呢一款暫時係用過靚到底妝真係會靚嘅💕

Rosy Rosa 其實有好多款粉撲，但最經典、最鍾意嗰款係呢隻！！ 呢舊粉撲超級軟綿綿、好似果凍或者蒟蒻咁嘅手感，揸上手好治癒，最鍾意係佢成日出好多限定色，價錢又唔貴 用佢上粉底液，個妝感會特別貼服同埋透薄！因為佢吸水之後表面好濕潤，可以帶走粉底多餘嘅粉感，令到底妝好似融入皮膚咁，打造出日系嗰種透明肌。而且佢個厚薄啱啱好 缺點係佢真係幾吸粉底，同埋因為佢質地太密實，洗嗰陣要好俾心機撳返啲粉底出嚟，如果唔係好易發霉，同埋唔可以烘太耐，會裂開，所以建議要勤力洗同埋定期換。 貼服度： ⭐️⭐️⭐️⭐️⭐️ 柔軟度： ⭐️⭐️⭐️⭐️⭐️ 食粉程度： ⭐️⭐️⭐️ 耐用度： ⭐️⭐️⭐️ 性價比：⭐️⭐️⭐️⭐️⭐️

Rosy Rosa有好多種類型既化妝工具， 特別係粉撲，咩型狀同款式都有， 一定有岩你用既心水💕 質素都好高，價錢又唔貴， 日日用都唔心痛，特別鐘意呢款綜合型粉撲， 一包入面有齊哂方形同圓形， 我習慣都用佢黎上打底同cc cream， 用到污穢就可以掉，乾淨又衛生❣️

夏天用粉餅就一定會買rosy rosa 粉撲，一包六個52x45mm，cp值高，兩三塊輪流用一次過清洗，又方便又衞生。

好抵用，老老豆豆我係比佢既日系包裝吸引加上又同canmake有關係心諗應該唔會好差，可以一塊剪開兩次用，實行慳到盡，用佢黎上濕粉好貼亦唔會食左好多粉底液，正

價錢便宜，一包有好多個，用完可以即棄都唔心痛～所以唔會有機會滋生細菌，乾淨衛生！