Loreal Paris

活力緊緻透明質酸注入式保濕精華安瓶面膜

面膜個設計幾好玩，要用力吱啲精華過去面膜紙嗰邊。面膜十分貼面，但可能本身額高好似有啲細。

以前試過買無添加香料嘅護膚品覺得好臭，所以開頭都好驚一開會聞到臭味，但精華聞落反而一啲味都冇，呢樣做得幾好。而佢保濕度都算唔錯，但用完塊面會有少少黏笠感，本身好怕痴笠笠感覺，如果清爽啲會更好。

我用晒完一盒之後覺得得個排皮膚好似係比平時水潤左同無咁多泛紅，而家萬寧仲好似做緊優惠，我覺得性價比還可以，值得試下。