Domohorn Wrinkle

Vital White Essence

簡介：
Domohorn Wrinkle係日本好岀名嘅Anti-aging 護膚品牌，走先試用得購買路線，証明品牌對品質好有信心。一直有一個傳說，如果用過Domohorn Wrinkle就會返唔到轉頭，所以試之前要下好大決心。🤣

Domohorn Wrinkle全線產品只有8個items，我今次試用嘅係基本4點set，包括：
Intense Hydrator(保濕液)
Vital White Essence （美活肌精華）
Cream20（乳霜）
Milky Veil Lotion（保濕乳液）

試用方法：
佢每枝都有號碼，所以唔會用錯次序。
我連續用咗1個星期，早晚都用佢，因為set入面無卸妝，洗面同眼霜，所以呢3樣我就用自己一直用開嘅產品。

試用感想：
Vital White Essence（美活肌精華）
呢支係日本認可醫藥部外品，即係其中有一定分量嘅成份係日本認證為有效嘅成份。呢支主打美白同增加透亮感。
佢個質地係乳液狀咁，唔算好浠或好濃。同樣係用一pump分量，喺掌心推開再用按壓方式搽上面。
雖然佢質地比保濕液濃，但吸收得快過保濕液，質地上嚟講我係鍾意的♥️，佢有少少韓國化妝品果種漢方味，但唔濃，聞到好舒服。不過一個星期睇唔到有白到或者增加透亮感，所以俾5⭐️

試用結果：
因為一次轉用哂4個items，好難講邊一樣好，所以講一個整體結果。
開頭會擔心只有呢幾個簡單嘅items，喺呢幾日咁凍咁乾嘅天氣會唔會唔夠，但神奇地反而比自己用開嘅更加保濕，一啲乾嘅感覺都無。
而且每日用按壓手法去做護膚程序，可以感覺到皮膚嘅變化，我可以感覺到皮膚有變軟，毛孔有細咗少少，乾紋都有改善咗，整體感覺非常好，會想一直用落去。