CLINIQUE

第3代升級版勻淨科研亮白淡斑雙效精華 (Laser淡斑去印精華)

感謝@cosme抽中我作為試用產品嘅一分子🫶🏻今次新升級版勻淨科研亮白淡斑雙效精華(Laser 淡斑去印精華) HK$810/50ml 聲稱可以從表皮深入底層源頭，修護肌膚、提亮均勻膚色、減淡色素、預防色斑，而且7日就可以開始見到膚色提亮！等我試吓佢係咪真係做到先✨
我總共試用咗8日，呢幾日嘅天氣非常乾燥，加上上個月咁啱生咗幾粒暗瘡啱啱好可以大派用場同頑固嘅暗瘡印say bye bye👋🏻
我本身膚質混合性偏乾，普通嘅美白精華都偏乾。呢款唔乾之餘搽落去快吸收之餘唔笠，但又足夠滋潤度，使用感非常好。大多數嘅美白產品亦相對上冇咁溫和，用完之後冇敏感皮膚好穩定👍🏻唯一扣分位個人認為係聞落去酒精化學味幾明顯。
我早晚用完8日後明顯暗瘡印係淡咗！化妝嘅時候都唔需要特別再落遮瑕，而且整體膚色都有提亮到！但係注意大家為咗美白淡斑唔可以淨係靠護膚品，日常防曬切記要做足呀🌞配合升級版全新極致勻淨科研亮肌精華水真係幾日都已經有好顯著嘅效果！ ✨有預算嘅朋友推薦兩枝一齊用！加上冇咗平時美白精華乾同埋易敏感嘅問題出現，有興趣嘅可以放心入手～期待用哂成枝嘅效果