KERASTASE

逆時光至臻香氛修護精華

非常開心可以試用到呢支KÉRASTASE皇牌黑鑽美髮香氛精華。以往用開L字頭既開架品牌髮尾油算係日常護理冇咩"嘩" 既感覺，但又唔用唔得，去親剪頭髮都會比髮型師問我有冇用髮尾油😂 然後佢又會拎返同一支牌子嘅油幫我搽髮尾。
今次試用呢支精華，質地係中度油質， 唔會令頭髮黏住一嚿嚿，但滋潤度非常足夠。平時吹頭好易足到d頭髮好kick, 但搽左呢支精華係明顯冇再一邊吹一邊kick既情況。
吱上手個香味都幾濃， 但係搽勻喺啲濕嘅頭髮度再吹返乾個味道就會變得好自然清香， 老公都好鍾意聞我啲頭髮🥰
最重要係個護髮效果，我長髮及胸，但中間有好多斷髮，斷髮又好容易會翹起。 呢支精華真係做到即時嘅效果， 用咗14日之後效果就更加明顯， 啲毛燥嘅斷髮都撫平咗好多。