KERASTASE

逆時光至臻香氛修護精華

兩個字總結：好用！！

話說N年前喺日本買過髮尾油，但因為真係好笠好笠，所以嗰時用唔夠1/3就已經頂唔順用唔到落去……之後對髮油嘅印象一直都好麻麻，就算頭髮好長、打結得最嚴重嘅時候，都無諗住再買髮尾油。但係當頭髮越嚟越乾旱嘅時候，一梳就好易扯甩頭髮！所以見到呢度有人推介髮油，就買左枝試吓。用完真係有驚喜！

首先先係一啲都唔笠，一抹就好快滲入髮絲，唔單止頭髮唔笠，就連抹完美髮油之後隻手都唔覺得笠，好正！而且真心好香，香過哂我用過嘅洗髮水、髮膜，「頭髮香水」的確無誇大。第一印象已經好好👍🏻

髮油實際效果都超好，前一晚吹完頭用，第二日頭髮仲係照柔順，而且係比平時有光澤感（但唔係頭髮油嗰種光），望落去係靚啲～～呢枝髮油真係無可挑剔，顛覆我對髮油嘅固有印象，而家早晚用一次，用完一定回購！亦大推大家入手！！