KERASTASE

雙重防脫修護精華

首先要讚係浸香味，有別於一般頭髮產品，真係香水咁嘅味，清香唔甜好舒服，自己都會聞到陣陣香味，而且都last得耐，朝早洗完頭去到夜晚都仲香，唔會有陣頭油味。

一打開發現超大枝，係市面上頭皮精華嘅2-3倍份量，所以性價比高，抵用呀！
滴管設計個人比較喜歡，因為噴霧好多時唔夠集中會令精華液去唔到頭皮而造成浪費，又或者好容易去咗髮絲到搞到好笠。（髮量少嘅人最怕就係頭笠，因為視覺上會望落更加稀薄！）可以洗完頭半乾或者完全乾嘅情況下搽，我自己偏向半乾搽精華，然後再吹到全乾，咁樣會比較爽同埋好吸收。用完感覺令頭頂出油情況減少，舒緩洗完頭嘅少少乾感。第二日洗頭前都未至於成個頭好油好笠，做到保濕幫助水油平衡。