INNISFREE

紅茶逆時活膚塑顏精華

好多謝被@cosme抽中試用innisfree既紅茶逆時活膚修復精華
.
一直都有用innisfree既其他系列產品, 覺得都係好高CP值, 不過都係第一次用紅茶系列, 依個系列主打係令肌膚更緊緻、平滑同亮澤。

紅茶逆時活膚修復精華係用左玻璃樽加上啡色鋁質既蓋, 令外型好有質感。佢係紅茶系列, 所以有一股輕輕既紅茶味, 好香, 鍾意茶味既人一定會好開心。用滴管既設計, 每次可以因應份量慢慢支出黎, 好方便。精華好好推, 吸收時間亦好快, 清爽不黏膩, 唔洗慢慢等佢吸收。
大約支3滴份量就已經夠全臉使用, 好快吸收完, 唔會黏笠。

配合紅茶逆時活膚精華水試用20日後, 肌膚緊緻左, 塊面既光澤感都提升左, 而且保濕度都好滿意, 使用期間冇出現任何敏感情況, 至於改善細紋, 可為因為只係用左20日, 時間比較短就仲未有明顯既分別, 會繼續使用觀察。