INNISFREE

紅茶逆時活膚塑顏精華

首先要多謝@cosme抽中我參加 innisfree 紅茶逆時活膚系列---紅茶逆時活膚精華水同紅茶逆時活膚修復精華嘅試用活動🙇‍♀️🙇‍♀️🙇‍♀️

眾所周知香港人生活忙、工作忙，三兩日就要開OT捱夜，而年紀開始大，捱完夜之後嘅皮膚暗啞又無晒光澤，另一方面骨膠原又開始流失，令肌膚變得鬆弛失去彈性，真係慘不忍睹！🥲

我係紅茶逆時活膚精華水配合紅茶逆時活膚修復精華咁樣一系列一併使用嘅。呢排咁啱新年有好多節目，加上要On shift duty成日返通宵更，而正巧今個秋冬特別寒冷大風乾燥，皮膚嘅質素明顯直線下降，皮膚繃緊及失去彈性、毛孔變得粗大、面部更加多細紋等問題，臉色看起來特別蠟黃暗啞衰老唔精神，比之前更加乾旱同更多暗粒，甚至有時會有甩皮嘅情況發生！🫠

估唔到試用完紅茶逆時活膚精華水同紅茶逆時活膚修復精華16日之後，竟然有驚喜，真係好喜出望外！ ❤️❤️❤️

紅茶逆時活膚精華水同紅茶逆時活膚修復精華外型一睇到就覺得好靚，係紅茶一樣嘅暗啡色帶點紅。倒出黎就即刻聞到淡淡嘅茶香味，好自然，一啲都唔會覺得好人工香精果種味道。

每日用完之後，皮膚上會有種微微嘅黏黏的，但只要輕輕按摩一下，就能快速被皮膚吸收不殘留清晰液體，做到真正嘅保濕卻不粘膩。同時，肌膚即刻肉眼可見變得Q彈，好似飲飽水咁水潤，變得細嫩、提亮有光澤、提升透明感，個人睇落立刻變得精神有活力。用完16日之後，我覺得肌膚真係有回復彈力，有緊緻肌膚嘅效果，能有效解決捱夜後嘅肌膚疲倦。

原來紅茶逆時活膚精華水入面有專利紅茶抗氧激活因子™️，可以加快新陳代謝，從而肌膚更透亮，而紅茶逆時活膚修復精華入面則含有專利成分紅茶逆時精萃™️，配合晚間三重潤護配方™️，可以滋潤肌膚。

使用前👉🏻使用後👉🏻
至於細紋方面，就可能要試多一段時間先會見到效果。

最最最重要係我真係好容易敏感，限制左我用護膚品嘅選擇，有時用唔啱嘅產品敏感反而會令情況更差，肌膚變得紅腫疼痛脆弱，得到反效果。Innisfree嘅產品通過肌膚過敏測試，無添加 9 大化學物，而我真人試用左咁多日之後真係無敏感嘅情況發生，塗完之後反而有種好舒服嘅水潤感，即時紓緩乾燥痕癢不適，肌膚瞬間回復水潤有彈性！CP值甚高，大推！！！🙌🏻