綠藤生機 Greenvines

極境雙藻復原精華

一直都有聽朋友講過綠藤生機呢個牌子
所以今次收到呢個試用 都有啲期待❤️

我本身係敏感乾肌 而且有玫瑰痤瘡
所以好多產品都用唔到
平時嘅護膚程序都只係Avene活泉水+玻尿酸精華+凡士林

因為朋友有介紹過 加上呢個品牌都係以天然簡單為主
所以今次就膽粗粗試下呢隻極境雙藻復原精華
佢係一隻非常水嘅精華
基本上滴咗上手之後 好快就會流落黎
另外佢有陣淡淡嘅香味 係玫瑰味
但唔係香精味 而係天然個隻玫瑰味(好似Florihana千葉草玫瑰純露個陣味)

查上臉之後好快就會吸收
不過吸收咗之後佢會有少少膜感
第二日起身嘅時候 塊臉比平時出少咗油
我覺得佢保濕度其實唔錯
因為我前一晚額頭有啲乾得濟而引起嘅粒粒
第二朝啲粒粒就平返
但同時我塊面有少少發玫瑰痤瘡嘅跡象
所以之後我都無再試上臉 比唔到太多評價
不過如果正常皮膚 又有興趣試
我都推薦大家可以試下😉