INNISFREE

綠茶籽保濕精華(已停產)

作為一個innisfree小fans
當然都有用過尼枝精華

初初係因為25歲後發覺膚質開始轉
覺得皮膚好易乾 一乾就爆瘡lol
之後聽fd講應該開始搵枝精華用下
當初唔太知道好多補濕精華可以係好黏笠下
曾經夏天試過用kihels既保濕精華
推左好耐都未吸收到
冬天又試過網上話好既bicelle b5 gel
結果都係太笠...笠到出油 爆瘡😑

當時覺得就咁試都唔係辦法😂
就開始睇下youtube啲人介紹
hk仲未有cosme所以都會睇tw cosme
個陣先知道innisfree綠茶籽精華係入門級
基本上係好多人都會用過～
個陣乾到好易會敏感 所以對成份都好注意
咁岩睇到有個人comment對成份好有認識
除左有香精之外 其他成份都係安全既成份
而且佢幾推介 覺得佢真係幾保濕
所以就買左黎試

唔記得當初係幾時拎黎用
只係記得夏天返工公司冷氣太大
風口位係正自己頭上面
返左陣工就即刻爆瘡lol
然後就開始返工前會搽埋佢
之後就冇乾再乾到爆瘡

夏天同轉季真係好鐘意用佢
佢係幾爽 又夠保濕 都唔會令你爆瘡
比較油既地方 建議開冷氣先至用比較好～
不過冬天偏乾既時候 乾肌真係會唔夠保濕
淨係用佢既話我會痕同甩皮🥲
但比較油既地方用佢都好岩用👍🏻

我其實回購左好多次!!!
真係由舊版用到佢轉左玻璃樽
幾鐘意玻璃樽尼代設計 包裝令好多😍
唔洗再好似之前咁要打開蓋 方便好多
係用到最尾既時候 要就住角度先禁出黎

以前覺得不過不失 岩用就岩用 冇咩好特別
不過最近有另一種新用法 令我又愛上佢😍
因為冬天淨用佢塊面會甩皮～
所以買左innisfree紅茶精華水同紅茶精華試下
經過一段試用～用紅茶精華水冇再甩皮
但紅茶精華水+紅茶精華有時太滋潤會爆瘡
塊面就咁用紅茶精華又會覺得唔夠保濕
本身官網都有建議可以用綠茶籽精華+紅茶精華
所以過去既冬天夜晚都係咁用
皮膚好穩定都冇甩皮 推薦大家咁樣用👍🏻
果然innisfree一家親😂