CHURACOS

幼美肌 全方位保濕水凝霜

依個真係去到講粗口級別呀！🤬🤬🤬

依款all in one 保養之前超行，又天然，又保濕又抗皺又可以袪油脂粒咁，又可以擦眼，總之廣告完全鋪天蓋地。

我因為佗bb搞到生左好多油脂粒，同埋問心，保養時間真係少左好多(相信做左媽咪會明)見到依款野真係完全打動我。佢一盒要3百幾蚊完全唔平，見到有優惠-抗油脂粒組，即3盒共566蚊就買左。

我search過依款係堅日本公司出，日本comments 好壞參半，台灣comments就一致讚好(不過數量都係得幾個comments)

首先，秋冬天氣對於我黎講唔係好夠力，要搽起碼4層先得（佢賣聲稱冬天都好夠保濕🙄🙄）。經過3日之後，恐怖嘅事就發生嗱~~~~😭😭😭😭

眼皮，面同頸超級過敏，可以睇圖2(不過頸唔係好影到)又紅又痕又痛又腫，張相已經係搽左藥同食藥2，3日先影。最初隻眼係腫到變左單眼皮，同埋塊面好似俾人打左巴咁(依句係陪月姨姨講，佢朝早開門見到我直情嚇親)。再上網查，佢酒精排得好前，可能因為咁所以大過敏。

於是我即刻攞LAMER出黎急救，但用左3日只係唔痛，要再食藥同搽藥膏。敏感嘅位已經唔腫同痕，但都KEEP住好紅同好乾。

依篇野完全要急出，因為佢廣告真係好勁，如果皮膚同我差唔多嘅，真係要三思😣😣😣