CLINIQUE

激光活膚緊緻精華 #Laser緊緻去紋精華

去到中女年紀，皮膚冇咁漲卜卜、慢慢出現細紋/皺紋都係不爭嘅事實。

入冬以後，一直都想試含有維他命A或增加膠原蛋白嘅抗衰老用品，這次能參加@cosme 嘅Clinique激光活膚緊緻精華試用活動，簡直覺得時間啱啱好！雖然係試用產品，但用家報告絕對真實。

這款Clinique 嘅緊緻精華聲稱能48小時激活膠原蛋白增生，由底層開始顯著修復、平滑膚質、重注飽滿、恢復肌膚彈性，重拾年輕零紋無瑕肌膚。結合3重醫學級智能抗皺成份，有效擊退皺紋、重塑緊緻回復彈性重塑膚質、撫平皺紋、回復彈性。10天減淡細紋皺紋達20%，回復平滑緊緻肌膚，逆轉肌齡。

產品嘅主要3種抗皺成份包括：

1. 新一代Retinol A (維他命A醇)
2. CL1870 LASER FOCUS™ 複合物︰蘊含六胜肽、四胜肽及乳清蛋白
3. 透明質酸

收到試用品，保裝是一貫Clinique 嘅牛油果色紙盒包裝，標明all skin types 適用，相信產品雖然有Retinol A ，但應該比較溫和不易刺激皮膚，而事實呢？

急不及待開箱試用了約10天，精華質地係珠光乳液狀，非常易推，容易被皮膚吸收，搽完即刻上妝都唔會起擦膠碎。皮膚的飽滿度在用後3-4日後已感覺到有所改善，即緊緻度提升了。此外，驚喜位係保濕度，剛剛試用呢段時間係入冬比較凍嘅時候，但用完呢隻精華即時感覺到皮膚水潤了，同想像中Retinol A 產品可能會比較容易抽乾皮膚水份完全唔同感覺，唔需要另外再口搽保濕精華，讚！

至於皺紋重災區如虎紋位或頸紋，就未有減淡效果，始終相信抗衰老產品要keep住用一段時間先睇得出成效。呢段試用期間，提升了緊緻度同時保持到保濕度，有信心繼續用落去，亦會推薦朋友！最後提提孕婦及餵哺母乳嘅女士並唔適合用Retinol A產品，留意返。