YSL BEAUTÉ

夜間修復精華(月光仙人掌精華)(已停產)

因為輪班工作一直都作息唔定時，經常捱夜令皮膚色暗沉，鼻翼兩邊多咗好多粉刺，試用過好幾款其他品牌既精華效果都好一般，直到今次有幸抽被抽中成為YSL皇牌月光仙人掌精華試用者，有機會試吓有YSL夜皇后之稱既威力，多謝@cosme～～

呢支YSL既精華一打開見到水油分隔，需要搖晃均勻，泵出會見到精華上有油光，但塗上臉不會感覺油膩，反而感覺易推易吸收，唔知係咪心理作用，後續用既護膚品都感覺比之前更易吸收！

另外YSL月光仙人掌精華成分含3.5%甘醇酸，之前我亦都有用過他牌既含酸產品，知道含酸類既產品頭一兩次用會刺激皮膚有一點點刺痛，而今次試用既YSL月光仙人掌精華第一次用都冇感覺到刺痛，可見成分非常溫和～（含酸類產品會刺激皮膚，包裝上有寫明不建議敏感皮膚用喔）

之前用過唔同產品都搞唔掂鼻翼兩邊粉刺！次次都係要用指甲刮走😵‍💫，今次連續試用咗YSL月光仙人掌精華7日，感覺鼻翼兩邊既粉刺明顯有少咗好多，皮膚仲細緻咗冇咁粗糙，唔洗再用指甲刮粉刺刮傷啲皮膚～呢個係我會堅持繼續用既原因！因為呢支精華去除咗皮膚表面既老化角質，用咗頭兩日之後化妝已經覺得底妝貼咗好多，連續用有覺得皮膚愈來愈透亮有光澤，冇之前咁暗沉，另外包裝上都有提醒因為產品含酸，用呢類產品都要做足防曬喔～