Embryolisse

全能奇蹟紓敏保濕霜

多謝cosme寄俾我嘅試用品，亦俾足夠時間我去試。講返正題，佢擠出嚟係白色乳霜狀，雖然係乳霜但係極易推開，質感好似打發鮮奶油cream忌廉嘅感覺，輕輕就能夠推開搽暈全面，延展性唔錯，唔會拉扯到皮膚，亦好快吸收，係面上稍為按摩打兩個圈就吸收晒，實際使用感覺係好輕薄，但又夠滋潤度，觸感有少少微黏，但唔會有油油嘅反光感。持久力亦唔錯，滋潤度維持好一段時間！

加上而家香港天氣潮濕底下，比起用作妝前底相，我更加鍾意將佢用作睡前多功能保濕霜，掛住湊仔冇咁多閒情護膚嘅時候，拍完爽膚水後再搽佢就可以瞓覺，絕對係簡單省時嘅保濕法寶。