INNISFREE

速效淨肌修護精華

呢一支Innisfree速效抗痘精華保濕而不笠，好快就吸收。我呢兩個星期早晚都有用佢，朝早會再查埋防曬，都冇覺得呢支精華好刺激。因為佢有積雪草成份，可以幫助暗瘡皮膚退紅同埋修復，我面上面嘅暗瘡印用咗兩個星期會冇咁紅，暗瘡印亦都冇咁明顯😊雖然佢有A醇嘅成份，但係由於濃度唔高，所以唔會刺激皮膚，敏感肌都可以用。但係同時因為濃度唔高，所以A醇效果用咗兩個星期都唔係好明顯。呢兩個星期唔太覺得暗瘡生少咗，毛孔亦都冇明顯縮細。而且因為濃度唔高，所以抗老用呢支就唔太適合，可能要再用耐啲效果先會明顯啲。我建議有暗瘡問題想退紅印嘅人都可以使用呢一支精華。