YVES ROCHER

防脫髮洗髮露

多謝@cosme 抽中我試用Yves Rocher 的 「防脫髮洗髮露」。本身都有聽同事講開呢個牌子，一直心思思想試。

講返我情況先，我頭髮天生較幼，所以容易扁塌。通常隔天洗頭，每次洗完頭都會有唔少頭髮脫落（用手梳大約30條）。

洗髮露質地係啫喱狀，有淡淡的草本香氣，洗頭時都易起泡，清潔度唔錯，夠乾淨。洗完頭覺得好清爽，個頭輕左。

用左約2星期，感覺頭髮變得有彈力，無以前咁扁塌。而且脫髮情況都有改善（用手梳大約15條，比之前少左一半）

整體感覺良好，會繼續使用，希望髮質變得更健康。