YVES ROCHER

木莓水漾亮澤護髮醋

多謝@cosme抽中我試用Yves Rocher 的 「木莓水漾亮澤護髮醋」。本身都有聽同事講開呢個牌子，一直心思思想試。

講返我情況先，我頭髮天生較幼，易笠，有染開髮，用開直髮夾，所以頭髮受損情況都算嚴重。

髮醋質地係水狀，一打開已經有好香嘅木莓味，洗完頭後唧啲髮醋落頭頂，再按摩頭皮約2分鐘，最後用清水沖洗。

用完約2星期，頭髮變得有光澤，毛躁減少。頭髮保濕力增強，無咁易頭痕同出油，可以keep到1日半清爽。

整體感覺良好，會繼續使用，希望頭髮變得更健康。