ALLIE

持采濾鏡調色UV防曬乳

啱啱用完一支防曬，就見Allie出咗新防曬乳，呢次新品加上有海洋友善嘅標籤，唔會污染海洋，就買咗支限定櫻花版

之前都未用過Allie防曬，就好奇查下成分表，呢款係物理兼化學雙防曬，孕婦未必啱用，有保濕成分，似適合乾性至混乾性肌膚多啲，或者油肌同混油肌秋冬時用；我比較怕笠，一笠就好易生暗瘡，呢隻防曬應該算係唔太笠嗰種，唧出嚟粉紅色乳狀，易推開，皮膚會變得透紅有光澤，不過時間長咗都feel到自己皮膚唔係太接受到呢隻防曬，氣味有啲難以言喻；防曬系數高，so far都未曬黑過，anyway 平時都有搽美白精華，能唔能夠防曬黑就未知數；由於標榜抗摩擦，相信成膜劑都落得比較重，考慮成膜劑比例越高，致痘風險越大，我通常上完防曬再上一層控油蜜粉，不過有時都係避免唔到爆瘡，用完呢支會再觀望Allie 會唔會出新版改善