YSL BEAUTÉ

恆時輕透霧光粉底液

多謝@cosme同YSL提供咗粉底試用🤍🤍
我用嘅色號係LC3屬於冷色調 中間色偏白
膚質：屬於混合性偏油，T位鼻翼容易出油，眼周皮膚比較 暗沉👁️

粉底液質地：粉底質地唔黏笠，流動性高所以上面可以推開到好薄，用半泵已經可以搽晒成塊面👍🏻上完好快就會乾成膜，所以吱咗粉底出嚟之後要盡快使用

上妝效果：雖然粉底質地輕薄，估唔到佢嘅遮瑕力好高，上咗一層已經遮到八成眼周暗沉同鼻翼和 暗瘡嘅紅印，可以幫我解決咗膚色不均嘅 情況🤍👍🏻👍🏻上完妝之後係霧光 質感。 效果如圖 #BA照但注意上呢隻粉底之前要做足夠嘅 妝前保濕！呢隻粉底嘅吸油力好強，，第一次用嗰陣 淨係用咗 普通妝前base，上完後嘴角位置顯得好斑駁 浮粉👇🏼第二次用嗰陣做返好保濕就冇再出現呢個情況
用後感：粉底持妝效果好好👍🏻👍🏻二十多度 氣溫上咗8小時 臉頰幾乎冇甩妝，好輕透貼服唔會好重粉感。 T位 鼻翼容易出油嘅位置會變咗奶油肌嘅 妝感。粉底都冇明顯氧化深色咗嘅情況 。

總結依隻粉底適合油肌同混油肌人士用，面部有啲位置偏乾 嘅人士切記要做好保濕先上妝 ，乾肌就唔建議使用呢隻粉底 喇😁