YSL BEAUTÉ

恆時輕透霧光粉底液

感謝入選@cosme & YSL試用活動。🥰🥰
今次試用的產品是YSL All Hours Foundation 恆時輕透霧光粉底液和YSL All Hours Setting Powder 恆時啞緻蜜粉。💕💕

不得不讚呢個包裝，瓶蓋好靚，金色logo充滿了高級感，見到已經心動想將佢帶翻屋企！！！！😍😍使用化妝工具： 美妝蛋
試用色號：LN1
膚況：混合性偏油，T區會較容易出油
皮膚問題：膚色不均，毛孔粗大，黑眼圈，有少量斑點

首先，粉底液的質地是流動性強，摸上手感覺粉質細膩，不過很快就會乾，所以要分區上妝。
上臉後係我追求嘅霧面妝感，同時又會覺得佢好貼服，好似開左filter咁，比人一種天生皮膚好好嘅感覺🥰。我的用量很少，就能達到唔錯嘅遮瑕度，圖中可以見到我嘅萬年黑眼圈都被佢遮了7-8成左右，遮瑕力度相當ok👍。用左呢支粉底液之後，遮瑕膏都可以唔洗用就已經可以有好自然嘅妝感！仲有！！鼻翼兩邊的毛孔都被遮了7-8成左右！！呢支粉底液完全係毛孔星人嘅救星！！🫶🏻🫶🏻
一般霧面嘅粉底液都會俾人覺得妝感厚重，用左之後好似有一層膜阻擋皮膚呼吸。但係用左恆時輕透霧光粉底液之後，妝感輕透令我感覺皮膚依然可以呼吸😊😊。
我記得我試用嘅時候都係帶妝超過10個鐘，翻到屋企再照鏡觀察，佢冇明顯嘅暗沈，個底妝同皮膚融合得幾好，雖然有少量出油，但係出油後有少少奶油肌嘅感覺，可以話個妝係越夜越靚。持久度出色，同我以前用的底妝相比，YSL呢支粉底液完全冇斑駁，嚴重脫妝，卡粉嘅問題。

總的來說，我對今次試用恆時輕透霧光粉底液係滿意嘅🥰🥰，我會推薦混合至油性肌膚嘅朋友使用！如果你都追求霧面，自然，持久嘅妝感，值得一試！🫶🏻