b.glen

長效防曬水潤肌精華

首先多謝@cosme嘅產品使用。一直想試呢個牌子嘅產品，今次仲可以一次過試洗面cream同防曬。超級正！！

好！ 入正題喇！
首先，防曬度係絕對夠嘅。有SPF 50+ PA+++ 咁嘅防曬度絕對係滿分！！因為一支防曬對於女人at any age嚟講係好重要嘅，快唔快出斑就係睇你揀支咩防曬喇。真係可以話食粥食飯靠佢喇！！

防曬質地: cream 狀 但比較light weight 嘅cream. 質地易推開，塗上手唔會笠。但塗完唔係完全冇感覺嗰隻，會有好似塗咗lotion咁。可接受。
塗上面就感覺比較潤，可能因為我係混合肌。所以上面後會笠。但係我覺得佢有輕輕幫我調色，塗後d斑都遮到少少+提亮。我覺得呢支防曬係乾性肌膚嘅perfect match。

我曾經用過某大牌子嘅防曬但係超級笠，所以呢隻咁嘅滋潤度我係接受到嘅。