b.glen

長效防曬水潤肌精華

多謝@cosme 抽中我試用b.glen既長效防曬水潤肌精華，夏天又係同陽光玩遊戲既日子☀️防曬是必需的，呢支防曬有SPF50+ PA+++高防曬系數，正！！！

首先我係偏油性皮膚，好驚焗住皮膚既感覺，所以夏天我通常朝早洗完面就直接搽精華同防曬，略過乳液呢個step。因為呢支防曬有添加透明質酸等美容成分，所以我嘗試省略埋精華，朝早直接搽呢支防曬就出門，感覺不錯，上面容易推開，雖然呢支唔係完全清爽觸感既防曬，但不至於黏膩，上完防曬後我有另外再輕輕印多層碎粉，返到公司吹冷氣唔會有掹掹緊既感覺，到中午出街食完個lunch 後先開始有出油既情況，但用紙巾印一印又回復清爽。

我試過用有啲高系數防曬既產品會出現泛白既情況，更有白色粉末印到衣物上，但呢支防曬無呢個問題。所以整體上都滿意！