b.glen

長效防曬水潤肌精華

香港夏天日日都爆曬，一支高系數防曬好緊要。
我本身係油皮，好易過半日就出晒油。
今次試用呢支防曬，身同面都有用。用喺面的話，因為佢質地比較潤，搽落似面霜，唔似本時啲高系數防曬搽落鞋鞋地，佢好滑好潤，但對於油皮，似乎夏天唔太適用，冬天應該就會剛剛好。
我係每日會化妝嘅人，試用期間都係試過搭配唔同嘅粉底，包括粉餅、cushion、粉底液，我用開嘅都係控油、霧感嘅底妝，同b.glen防曬一齊用，會變咗奶油感，有少少令，妝感完整，亦唔會同護膚品打交，係唔錯嘅。但通常去到下晝3、4點就會明顯比較油，變返油田，所以用喺面嘅話，我都係等乾燥啲嘅時候再用。
用喺身嘅話就無問題喇～搽完唔泛白，唔怕癡到袋呀、深色衫呀。滋潤度好似平時搽咗body lotion咁，一支有晒防曬同滋潤，方便👍🏻