b.glen

長效防曬水潤肌精華

對 b.glen 長效防曬潤肌精華滿有期待，高防曬系數 SPF50 PA+++ (基本上買防曬都會揀呢個度數)，高濃度美容成份(但價錢一D都唔貴，因為好大支)，水潤不黏笠仲有吸油粉末(我易出油怕笠唔鍾意滿面油光)，種種都好符合我既要求，所以收到試用好開心。

搽上手唔會太水唔會太杰，gel cream狀好易推開，感覺水潤而真係唔笠，好舒服，冇泛白但係會有閃令令既效果而呢樣野係我唔鍾意既，因為本身容易出面油，再搽有閃既野就好容易成面立立令嚇死人。好可惜試用既呢段日子都係潮潮濕濕，效果唔理想，如果早幾個月秋冬乾燥時試用可能果少少閃我會接受到既。

咁因為我唔係長期用，所以體會唔到佢美容成份既護膚效果喇，不過佢冇香味，我有時會生濕疹都冇發作，應該都係一個安全既產品。