Vaseline

Clinical Care™專業低敏高效深層修護潤膚露

我啲手腳皮膚容易乾燥敏感，一到秋冬季節潤膚露絕不能少。我討厭好杰身、好油膩嘅質感，但高水感嘅通常又唔夠潤，所以一直都在尋找本命潤膚露的途上！今次正好遇到@cosme 同Vaseline 舉辦「凡士林 Clinical Care專業低敏高效深層修護潤膚露」試用活動，又咁好彩抽中左俾我試用，實在太開心🥳

佢嘅泵裝設計好貼心，泵咀擰轉90度同樽身形成十字先會唧出潤膚露，再轉90度就會關上泵咀，避免意外擠壓而滲出。而家各國陸續開關，相信唔少朋友準備出發旅行，晌屋企用開呢支，出門順手放埋入行李箱都唔使驚唧到成喼都係啦！

無香料成份所以潤膚露不帶特別香味（雖然我自己都喜歡有香味嘅），所以好適合對香料敏感嘅用家。但如果真要描述佢嘅味，我會話佢有啲牛油味⋯所以一路搽一路會好肚餓😊

收到試用品時間係九月中下旬，天氣仍然炎熱。呢支潤膚露嘅水感不錯，唔會杰撻撻，好容易就可以塗抹均勻。晚上睡前塗好塗滿，第二朝起身明顯感到皮膚有滋潤感同光澤。早上梳流完再搽，由於試用期間天氣仍然偏熱同潮濕，所以日間活動時皮膚會感到有輕微黏感，但遲啲正式轉季，濕度開始下降，相信皮膚感覺會更balance。

總結試用感，Vaseline 呢支潤膚露可以晌短時間內明顯滋潤皮膚，減少乾燥痕癢，尤其適合睡前使用，有更充足時間讓皮膚吸收。