NIVEA

LUMINOUS630雙效淡斑透白精華

今次好榮幸試用到Nivea LUMINOUS 630 雙效淡斑透白精華，我之前從來未用過nivea既產品，所以今次都抱住幾期待嘅心態試吓。平時聽人講淡斑精華都會令皮膚乾，但係呢支淡斑精華又出乎我想像喎首先，佢唧出嚟係偏肉色既 ，質感有d似cream咁既，唔係流質既精華，聞落去冇乜特別既味道，好易推開，上到臉吸收得好快。我平時係早晚使用，大概一至兩泵就夠全臉用量。

呢支淡斑精華有小分子透明質酸同維他命E，淡斑之餘仲可以深層補水，所以上臉唔會覺得好乾，如果夏天單用佢我覺得都夠用。用咗佢一段時間，面色係有少許透白左，令到色斑睇落冇咁明顯，至於暗瘡印就冇覺得退得快咗。

整體而言，佢係一支幾值得試既平價淡斑精華，阻截色斑之餘又唔會令皮膚乾 燥。