CLARINS

賦活精華眼霜 2In1

我一路以來都係clarins double serum嘅忠實用家，喺秋冬嘅天氣之下只有double serum先可以拯救到我嘅乾肌。 所以當我知道clarins出左double eye serum，我就一路好想試，依家卒之有機會俾我使用到啦！Clarins呢支賦活精華眼霜，包含咗1/3眼霜及2/3眼精華，一支眼霜有晒兩樣功效，非常方便。佢嘅包裝同Double serum一樣，採用咗雙管設計，每一泵都有晒精華同眼霜，使用起上嚟非常方便。佢有大劑量小劑量嘅選擇，我自己就覺得小劑量都足夠兩隻眼使用。
佢質地非常絲滑易推，上眼之後一啲都唔油膩同唔黏笠，好快就吸收咗。撫平細紋效果非常明顯，即刻已經覺得好滋潤。佢嘅滋潤度係啱啱好，我相信喺悶熱嘅天氣都唔會令我生油脂粒。聽日以我乾性肌膚嚟講，我覺得無論咩季節都非常之啱用。
用咗佢一個禮拜，黑眼圈同細紋係減少咗嘅，至於緊緻效果就未明顯覺得。總括嚟講，呢支眼霜又令我驚喜嘅感覺，係一支用完值得回購嘅眼霜！