HADA LABO 肌研

H.A. Supreme 舒緩修護精華

肌研係細個初初開始護膚已經認識既牌子，估唔到咁多年之後都仲係比到驚喜我！

首先包裝已經由印象中既膠樽大升級變做玻璃滴管樽裝，加上磨沙質地，衛生方便又有質感，仲要MADE IN KOREA，性價比極高👍🏻👍🏻

由於農曆新年前後天氣變化好大，好乾之後突然又會好濕，一日熱一日凍，再加埋戴口罩，皮膚處於極度唔穩定狀態，內乾外油、毛孔粗大、角質層厚、生暗瘡⋯乜問題都出晒黎。本人雖然唔係敏感性皮膚，但係因為太乾，皮膚都痕痕地。

cica有積雪草同透明質酸成份，積雪草成分都係市面上流行左一段時間，初次用上面果然驚艷，用左2-3日，乾到痕+甩皮既已經完。全。消。失！對於內乾外油既皮膚黎講，亦完全唔會覺得痴笠笠難吸收。

用左14日，過程淨係用爽膚水-cera+vita(早) or cera+cica(晚)-cream，皮膚細緻度、質感已經進步左好多，天氣再轉都無再出現痕/紅/甩皮狀況，呢幾支精華穩定皮膚既能力拍得住專櫃牌子，黎緊去日本同泰國我都已經打算帶埋佢地，真係好推介各位試下，呢支必定會再回購！