AHC

PRO Retinal 醫美科研淡紋緊緻面霜

首先多謝AHC同Cosme先，好開心有今次試用！
首先睇睇佢外觀係紫色嘅紙盒，外面有各種資訊，仲有正品標籤，呢個唔係個個有架！打開本身產品同個紙盒一樣都係紫色個蓋係鏡面嘅，樽身係三角形設計，有設計感！但我最鐘意係佢嘅按壓式設計唔怕交叉污染，又唔怕一次太多，又唔怕氧化問題！呢個簡直要比10000個like啦，佢入面高濃度抗皺成份Retinal係好怕紫外線架，所以睇得出佢有幾用心未？然後睇睇個質地先，係霜狀，初初心諗咁傑會唔會好笠架，點解一上面勁好推！！又易吸收，再睇睇個成份，有角鯊烷！！！我算個成份控，呢個成份對我嚟講係最保濕又唔笠唔油！！我見到有呢個成份嘅潤唇膏會毫不猶豫咁買架啦！
我收到個產品個期塊面啱好過敏，見到係有紅咗一撻撻，見佢話敏感肌都用得，無酒精無色素同P類防腐，呢個時候用就最有說服力啦！果然用咗幾日唔止退紅，塊面覺得潤好多，皺紋的確淺咗喎，效果真係出奇地明顯，我仲要擦好薄咋！睇到26/12紅咗一撻撻，因為敏感我唔敢擦太多嘢，顯得好干，到咗今日，紅退哂，干紋亦淺咗！
總結：真心我用完會買！呢個價買呢個效果超值呀！最緊要唔會敏感！！！同埋唔會有泥味，因為我用過其他牌子嘅緊緻都有一股泥味，之後我就寧願放棄緊緻，要保濕，但佢一啲怪味都無！！我諗我會再試埋AHC其他產品！！！