INNISFREE

維他命C綠茶酵素透亮精華

自從試用咗innisfree嘅第一枝綠茶精華之後，再試埋紅茶系列真係愛上呢個牌子，今次呢個新產品，維C極光精華，更加超級愛呢個牌子，點解？因一啲都唔會敏感！！有另一隻牌子一直標榜係天然，但係結果用耐咗居然敏感！！！！我仲以為係我濕疹囉。。。
一齊先睇下個包裝先：
綠色盒嘅包裝，同佢個logo一樣，代表大自然，綠茶控表示好鐘意。
呢個維C極光精華個樽係白色，橙色，相信係代表佢係維C關聯，純白色好清新！好特別呀！見到一粒粒橙色嘅就係維他命C膠囊！然後再加埋佢本身嘅皇牌濟州美肌綠茶酵素，咁樣既可以去除老癈角質提亮膚色，又可以美白！

眼睇個質地杰杰地，但係！！其實係極好推，超易吸收！
延展性極好，而且個啲橙色嘅維C膠囊好易就推開，好水潤呀！
呢張就係用個枝以為好天然點知真係過敏嘅爽膚水用到咁。。。。。
停咗個枝過敏之後，再轉哂innisfree 嘅產品，即刻青靚白淨返，退哂紅，感覺毛孔都細咗，有光滑咗，真係好難得架，你都知好多醫生都會話敏感肌膚少用美白產品，所以我一直都唔敢入手美白產品，驚敏感嘛，今次試用真係驚喜，唔止唔過敏仲真係會平滑咗同提亮咗，重點係真係唔癡笠笠，夏天真係好怕笠！
總結：呢枝維C精華真係名副其實，膚色同膚質都有明顯改善，又唔過敏！唔過敏！唔過敏！重要事情講三次！又有提亮，皮膚變返雞蛋咁滑捋捋，仲要唔會笠癡癡！夏天用真係無敵呀！真心越嚟越愛呢個牌子！