CANMAKE TOKYO

月光提亮粉底

多謝@cosme提供Canmake新產品試用活動❤️

包裝好靚 有月亮圖案喺盒蓋🌙 打開分兩層 上層附水滴型粉撲 下層係鏡同粉底膏+高光膏 同大部分日本嘅粉底/cushion一樣有兩隻色 G01 Light Beige係較白晢嘅顏色 G02 Beige就係較自然嘅膚色 兩隻色差異唔大 將G02嘅粉底膏同高光膏混合用已經好接近G01嘅粉底色 粉底/高光膏第一下摸落去係偏油嘅感覺 但試上手乾得好快

粉底膏上完面都比較乾 會有少少卡紋 (我係中性肌 一般化妝前會用toner pad+乳液 基本上唔會遇到卡粉問題 除非膚況好差) 上得唔係太貼服 所以粉感有點重 呢個粉底可能比較適合油肌或混合偏油 妝前保養要做得好足 確保肌膚完全唔乾先可以上得貼服少少
(之後再試過每次攞好少粉慢慢上 會好少少 但粉感依然係偏重)

如果想妝感帶光澤感 可以攞少少高光膏+粉底膏一齊用 但要注意高光膏唔好攞太多 而且唔建議全臉都高光+粉底咁上 例如可以只係喺臉頰用高光+粉底 其他位置單用粉底 如果唔係會令妝感好重

粉底膏遮瑕度中下 只係遮到比較淡嘅痘印 紅印/比較深嘅痘印都遮唔到 我自己喜歡高光膏多啲 單用高光膏做highlight效果唔錯

持妝效果中等 5-6小時會開始有啲浮粉 (配合Canmake絲滑潤澤蜜粉+其他品牌定妝噴霧定妝)

Overall唔太喜歡呢個粉底 唔太適合我嘅膚質 但呢個價錢有高光+粉底都算唔錯 而且二合一係幾方便