Dove 多芬

胜肽修護髮膜(小金碗)

首先感謝cosme提供試用機會，令我有機會體驗呢款產品～

試用活動寄出咗品牌嘅兩款產品，一個係光澤修護洗髮乳，另一個就係呢隻髮膜。所以以下效果都係7日內試用一系列產品的體驗。

講述產品效果之前，先利申本人髮質極差。由於遺傳性的自然捲及乾髮+燙染，我的頭髮經常打結，並且乾到殘到可以折斷。即時我本身有用開一隻紅色蓋（唔講牌子）嘅髮膜+某隻牌子嘅護髮精油，都無補於事。但使用呢款髮膜之後，不得不說效果立竿見影。頭髮在吹乾後，即時變得柔順。梳頭髮時亦都因解決打結問題，而明顯減少脫髮。

第二點係質地非常容易推開，塗抹在頭髮上按摩，係肉眼可見地易吸收+推得均勻。單是質感都好值得俾一星。

第三，罐上說明按摩一分鐘便可沖洗。在使用上十分方便。相對其他產品要等候三四分鐘，呢款產品更能夠滿足我嘅需求，用起上來都更加便捷，快見效。

講完優點想講下缺點。髮膜嘅味道係濃烈嘅花香味（？）對於我而言有少少濃得濟，而且唔係個種清新自然嘅花香。所以即使沖洗乾淨後，頭髮仍然殘留有一陣好假嘅花香。我個人來說就不太喜歡呢種味道。再加上陣味幾持久，就算我出一日街，翻到屋企都喺個頭度聞到陣味。單係香味嚟講，我就有啲扣分。