CLINIQUE

勻淨科研補濕亮肌精華水

同樣係多謝cosme挑選咗我作今次試用，對於我呢啲無論搽咩防曬都一曬即黑嘅人，曬黑事小，攪到啲暗瘡印更加深色同皮膚乾事大！
所以今次可以試齊「全新極致勻淨科研亮肌精華水」同「升級版勻淨科研亮白淡斑雙效精華」，完全係易黑人士嘅福音！😎
⋯⋯⋯⋯⋯⋯⋯⋯⋯⋯⋯⋯⋯⋯⋯⋯
細個嗰陣用過美白產品，攪到暗瘡出得仲勁；大個咗用美白產品，又攪到皮膚好乾，但估唔到CLINIQUE今次嘅「全新極致勻淨科研亮肌精華水」帶比我全新嘅美白體驗。
⋯⋯⋯⋯⋯⋯⋯⋯⋯⋯⋯⋯⋯⋯⋯同一般坊間爽膚水一樣，都係樽裝倒出嚟，初時好擔心佢寫「精華水」，會唔會好gel咁，好難抹係面上，因為我鍾意用化妝棉搽爽膚水。
好彩佢係透明嘅水，完全望落同水冇分別，所以好易比皮膚「索」曬入肌底！
⋯⋯⋯⋯⋯⋯⋯⋯⋯⋯⋯⋯⋯⋯⋯⋯
用左一個星期，話即刻變白就呃人嘅，不過肌膚就真係透亮咗，啲暗瘡印淡咗好多，我諗退得咁快，可能係同時用埋「升級版勻淨科研亮白淡斑雙效精華」，加速咗呢個化學作用！