BOBBI BROWN

蟲草抗氧修護精華粉底液

今次試用嘅係 BOBBI BROWN 蟲草抗氧修護精華粉底液, 色號 Warm Ivory，適合偏白暖肌。
黑金包裝精緻有質感，泵樽設計亦衛生方便，聞落有淡淡怡人嘅薰衣草香。

粉底液唔會好黏稠，延展性不錯，用手指上亦都感覺易推。本身皮膚屬混合肌，雖然冇乜暗瘡，但兩頰有毛孔粗大、色斑嘅問題。一泵份量夠上薄薄一層，遮瑕度雖然唔高，但已經足夠撫平毛孔細紋，有均勻膚色同提亮效果，妝容透薄有裸肌感。疊塗粉底就可以增加遮瑕度，黑眼圈、紅印等都修飾得不錯。

上妝後皮膚更加光澤水潤，保濕度高。相對控油度可能會較低，而且想要較霧面嘅妝感就需要上埋碎粉。對於個人而言,係好適合乾燥天氣使用嘅粉底。