Charlotte Tilbury

輕盈無瑕粉底液

近來天氣開始變得 悶熱， 用開嘅粉底開始感覺有啲厚重 ，T字位過幾個鐘就會出油，係時候物色夏天啱用嘅粉底了。感謝Cosme提供試用charlottle tilbury輕透無暇粉底液，就咁睇產品介紹 已經覺得好吸引， 賣點係 好似羽毛咁輕身，廿四小時不脫妝，好適合香港嘅夏天，一收到已經急不及待試下用。當日天氣係25至30度，一查上臉感覺好 透薄， 好快乾， 但係唔會有繃緊嘅感覺， 感覺好輕盈舒服。 今次試用3號色，好適合我本身嘅膚色， 唔會死白， 令到膚色平均好多，本身我黑眼圈比較嚴重，查完粉底之後可以遮到大概五成，不過不失。 查埋同一牌子嘅蜜粉之後， 成個 妝感柔和不顯毛孔。 使用當日帶妝11小時，全日都冇乜點樣出油， 近乎沒有溶妝， 連T字位都keep到，持妝力好好，不過顏色就暗沉咗少少。
整體感覺係一支好適合夏天嘅粉底， 會繼續keep住用。