Charlotte Tilbury

輕盈無瑕粉底液

感謝能參與 Charlotte Tilbury 試用活動💕
有機會試到唔同嘅皇牌產品類型！

今日皮膚唔係咁好，面頰泛紅&有暗粒&痘印等等問題，但都試一試分享比大家睇喇～基本護膚後，用埋Magic Cream再上粉底，因為第一次用，分量未控制得好，加上用掃上比較厚實。想妝感簿啲，可以用美妝蛋代替。
然後，係痘印&暗沉位置上第二層，完全可以代替遮瑕膏。
最後，想測試粉底&蜜粉嘅持久力，只上輕盈無瑕蜜粉就完妝了。5小時後：妝感仍係啞緻，無浮粉問題，只係用過紙巾抹鼻，鼻翼先甩咁少少粉。

以下心得之整合：
🌟外觀：啞面配金罐，華麗又美觀，值得一讚係蓋整好，唔會一拎蓋就跌瓶身，泵頭夠細，容易控制分量。
🌟粉底質地：易推，幾分鐘後融入肌膚後變得啞緻效果，不黏笠。
🌟遮瑕度：高，在局部位置上兩層可以遮到痘印、暗沉、泛红、黑眼圈、膚色不均問題！
🌟持久度：的確持久不黏漉，天氣熱都無浮粉！
🌟保濕度：由於本人係混合偏乾，保濕度仍然唔足夠。可能有機會試試配合埋輕盈無暇定妝噴霧可能會提升保水效果。


由於3/5晚先收到順豐快遞取件，
所以今次非常倉促分享😔
希望 @cosme 下次可以預早安排/延長/安排星期六或日作最後分享日。🙇🏻‍♀️