Dior

LE BAUME 全效修護萬用霜

好榮幸可以試用呢個新品~
~外觀設計~
作為一個萬用霜，佢個外型靚就唔使多講，有經典嘅Dior logo print，襯返我個Dior 手袋😂要讚嘅係個print 同埋品牌名凸字喺手袋入面打滾咗兩星期都冇甩色！😂
佢個size非常適中，大約係手掌咁大，方便攜帶。之前試過另一牌子蛋型嘅護手霜，真係太大隻唔啱放落細手袋帶出街🥲

~質地~
白色霜狀好易推開，好快吸收，吸收完會覺得有一層薄膜，係少少油潤嘅質感（見圖），而唔係完全清爽嘅感覺（呢個就係扣咗一分嘅原因）。呢種油潤係吸收到，唔係浮喺皮膚上面嘅。用後隻手質感摸落好滑，但唔鍾意滋潤感嘅人記得唔好貪心一次用太多。我對手係中性偏乾，用半粒青豆就好足夠。保濕力幾好，洗完手之後都唔會即刻乾哂。
好鍾意當佢潤唇膏咁用，搽完好快就有水潤pump up 嘅感覺😱
仲有好驚喜嘅係佢完全冇香味，只有好少嘅正常化學品（？）味道，啱哂會搽香水嘅人。同埋搽上咀都唔會因為香味太勁唔舒服。
絕對會回購嘅產品！😍唔知會唔會可以refill? 😂