Dove 多芬

輕煥強韌洗髮乳

我頭髮比較扁塌，近頭皮位置比較油，髮尾又會開叉，整體頭髮比較乾，毛躁厲害。用其他洗髮水會令我頭頂有一執頭髮特別毛躁形成「冷球」。 試過用日本牌子洗髮水去保濕，但係都只係比較油。用完Dove輕煥強韌洗髮乳，毛躁減少，而且洗髮乳質地輕盈容易推開起泡，唔會殘留喺頭皮上，令我嘅頭皮比較清爽。因為頭髮冇咁打結，少咗甩頭髮，望落去亦都冇咁扁塌，效果令人滿意。因為毛躁比較厲害，所以我用埋小金碗，每星期一至兩次，令我髮絲更加柔順易梳同打理。因為只係用喺髮尾位置，所以並唔會令我頭皮感到油膩，唔會生頭皮暗瘡，但髮絲就很順滑。