KAMINOWA法之羽

養髮液

好多謝被@cosme抽中試用法之羽KAINOWA既全套產品，包括養髮液、生髮素、有機防脫洗髮露及護髮素。

而家到左30+既年齡，就開始覺得兩邊既額角開始稀疏，中間既分界線都開始愈來愈清晰可見，自己既髮質亦係比較幼細同少，所以而家都會開始想注重下生髮依方面既產品。

產品都係無添加矽，溫和防敏，生髮之餘仲唔會影響頭皮既健康。因為自己既頭皮有時都會有少少既敏感，但用完依套產品之後，頭皮既問題同敏感都好快消失左。

依支養髮液係有個尖咀既設計，令我可能好方便咁去將養髮液搽係所需既位置上面，唔會一次過支多左出黎。我會係洗完頭之後，吹乾個頭，再用養髮液搽係分界線同左右兩邊既額角比較稀疏既位置，再用手指進行按摩，直至完全吸收，吸收速度亦都好快，之後朝早起身會次進行同一動作。佢既質地係似啫喱狀，搽上頭會涼涼地，唔會有黏立既感覺。

全套產品使用大約一個月之後，覺得額角有新既BB毛生出黎（箭咀示），甩頭髮有感覺係少左，但係分界線同髮量都未有明顯改變，但可能用既時間都只係一個月，相信持續使用應該會有更明顯既效果，會繼續使用觀察。