LAURA MERCIER

柔焦保濕蜜粉

好多謝被@cosme抽中試用Laura Mercier既柔焦保濕蜜粉
.
我本身既膚質係混合肌，鼻頭同兩頰會有輕微出油。
一直都聽講Laura Mercier既蜜粉好用，今次終於有機會試。蜜粉盒蓋係粉肉色既霧面，配合返依個蜜粉既主題柔焦。
.
係淺肉色透明既蜜粉，粉質好細緻輕如無物又好貼服，不過可惜冇附送粉樸，我就用返平時用開既蜜粉掃上依個蜜粉。
.
配合埋YSL ALL HOURS FOUNDATION恆時輕透霧光粉底之後用，一開始上蜜粉既時候就覺得好順滑，又薄又貼服，即時遮左毛孔同細紋。效果自然透薄，冇卡粉同卡毛孔問題，亦唔會覺得白到好面具感。
.
兩者一齊用既效果都好自然，蜜粉定妝效果唔錯，直到夜晚妝容大致完整，冇暗沉亦唔會覺得乾。全日基本上冇出油，係去到夜晚既時候面頰有少少油，有種水光感既感覺，都好好睇唔會覺得塊面好油，補妝時再上一次蜜粉就即刻吸返曬面上多餘既油脂。