LAURA MERCIER

水光修護輕粉底霜

好多謝被@cosme抽中試用Laura Mercier既水光修護輕粉底霜

我收到既色號係0N SILK，比我原本既膚色白少少。我本身既膚質係混合肌，鼻頭同兩頰會有輕微出油。

依支粉底既賣點係輕透貼膚零粉感輕底妝，所以個外型都係採用比較輕巧既支裝式設計，方便帶去旅行或者出外使用。粉底亦有輕微既香味。有防曬SPF 30/ PA+++，如果普通上班係室內既話都已經夠用，但如果要去戶外行街果D需要再加防曬產品。
.
粉底既質地透薄，今次我用指尖塗抹，好容易就可以推開，自然貼服，好快就成膜，唔會好黏。顏色唔會死白，好自然，冇卡紋或者卡毛孔既問題。
.
上妝後膚色變得均勻，修飾左毛孔變得平滑，塗一層有大約五成既遮瑕度，可以遮到泛紅，好自然輕透又唔乾，做到自然無妝感既同時又有少少水光既感覺。
.
我配合埋Laura Mercier既柔焦保濕蜜粉黎用，兩者一齊用既效果都好自然，直到夜晚都冇暗沉亦唔會覺得乾，妝容大致完整。全日基本上冇出油，係去到夜晚既時候面頰有少少油，有種水光感既感覺，都好好睇唔會覺得塊面好油。