INNISFREE

維他命C綠茶酵素透亮精華

首先 多謝Cosme揀中我 試用，第一次中，好開心～😍

講返自己肌質先，做過好多唔同Facial，都話我係乾性肌，但有暗瘡 ～一直都係做吓保濕，但最近三個月爆好多暗瘡， 就算暗瘡消咗都仲有好多印🥲

報名想試用呢個係因為 見到佢係可以for暗瘡肌，咁啱本身 個人比較懶，冇用開精華 ，所以都想試吓用精華，保濕同埋去暗瘡印 ！
我係7月3號開始試用，用咗13日～

一打開發現佢係滴管，撳一下吸精華，再撳一下就可以唧喺手心～洗面後，搽面霜前用～

一唧出嚟發現質地好舒服， 好輕，搽上面好快吸收，唔會搽完塊面覺得黐立立 咁。

試用兩星期我都每日早晚有用，當然中間都有敷下面膜，中間做咗一次facial，試用前同13日後都影咗相俾大家參考吓：
都係影完相先發現原來真係冇兩星期前咁紅， （當然可能幾樣嘢都有關係啦，特別facial）但at least我實測佢係適合暗瘡肌用，皮膚亦都好明顯冇之前咁乾，化妝都冇再甩皮，亦貼粉咗！冇再浮粉～～～

我會推介比唔想 買太太太貴但又想有一定效果嘅大家買，呢枝幾符合性價比， 但我個人覺得個效果未去到好明顯 ，所以就俾4/7， 有好感，會用晒佢。

多謝睇到呢度嘅你，希望大家皮膚都靚靚啦～ 🥰