CeraVe

長效保濕修復乳

今次好多謝@cosme 抽中我試用Cerave 長效保濕修復乳。我今次試用左呢個產品一個星期，覺得呢個產品都幾適合秋冬季、轉季時身體皮膚乾燥爆裂既時候用。

呢件產品較水潤，我只需使用少量乳液就可以軟化龜裂、變厚既濕疹皮膚，呢件產品甚至做到鎖水同長效保濕的效果，使用後竟然無不適感、唔會有明顯油膩、黏感。連續使用後乾燥皮膚在反覆洗手後冇即時變乾、痕癢、緊蹦。再睇返產品既成份表，頭幾個佔最大比例既都係天然成份，例如：AQUA, GLYCERIN 等。難怪用在敏感肌、有傷口既肌膚上亦無任何起紅疹、刺痛既情況，值得一讚！

產品包裝上都略顯心思，唧嘴能上鎖及附有固定器，待用時唔驚會誤按令附近物件沾上乳液！希望日後包裝都保留返呢個設計！

而惟一一個冇咁好既地方係身體乳容量較細，如果需要全身使用的話，一支好快用哂，希望日後可以出大容量特惠裝方便長期使用產品既顧客使用！