Avene

極速保濕水漾精華

多謝@cosme 邀請我試用Avene 既極速保濕水漾精華。呢個產品既精華較濃稠，一搽上面會有明顯黏膩既感覺，但後來會極速吸收。而用後會感覺到皮膚有水潤飽滿既感覺，該感覺會維持一整天。

我試用左呢個產品大約半個月左右，我覺得整體上有改善到我皮膚乾燥、脫皮、暗沉、乾紋等問題。另外，我覺得產品有幫忙改善我皮膚既水油平衡，令我皮膚冇咁容易出痘痘同出油，即使我有一兩天忘記使用此產品，皮膚都無因此而即時變回原樣，感覺皮膚有加強自身既補水能力。

我後來有連同同系列既維Cg抗氧淡斑精華一齊用，感覺上兩個產品有相沖。每當我兩個產品一齊用既時候，面上都較易起擦膠碎，我覺得應該係因為皮膚無法負荷過多精華或者本身保濕水漾較濃稠所致。

整體來說，我覺得產品有明顯保濕效果，我日後仲會回購。