CeraVe

長效滋潤修復霜

多謝 @cosme 抽中試用！

CeraVe產品一直對敏感肌膚嘅人好有用、濕疹或者乾性肌膚嘅人亦都啱用。今次呢隻CeraVe 長效滋潤修復霜主打鎖水保濕、有助改善肌膚乾燥薄弱嘅問題。

咁啱呢期冬天，自己啲皮膚乾到有啲甩皮、痛同「爆坼」，呢隻修復霜就嚟得合時！Cream嘅質地豐盈，搽少少就已經夠用🤏🏻。
官方話修復霜適合用於面部及身體嘅乾性肌膚，所以我都有用佢嚟搽吓手、腳、臉同頸。特別係自己前排條頸有啲敏感、紅，即刻攞呢隻修復霜嚟搽吓，五日內就舒緩返。
不過個人覺得罐裝修復霜嘅包裝有待改善，一嚟打開嘅時候可以有密實嘅嘢例如錫紙包住個面，二嚟就係可以至少擺支羹喺度方便拎cream出嚟，有助減少衛生問題。