CeraVe

長效滋潤修復霜

好開心抽中我，自己本身都好鍾意CeraVe呢個牌子。呢排轉天氣，天氣變得勁乾燥，自己啲皮膚都開始變得有啲敏感同繃緊，好在有呢個長效滋潤修復霜，即刻幫我舒緩我嘅皮膚敏感問題。我好鍾意呢個修復霜嘅質地，用落去保濕之餘完全不黏笠，好適合而家呢個天氣。而且佢嘅保濕力好強，即使喺戶外好乾燥嘅天氣下，佢都可以保持滋潤，功效好好。另外，用完佢之後，由原先皮膚有時痕癢或者泛紅嘅敏感問題，即刻得到改善，呢幾日完全冇呢個問題，皮膚變得好穩定，相信繼續用落去之後，皮膚一定會越嚟越好。