CeraVe

長效保濕面霜

多謝 @cosme 邀請試用。

CeraVe嘅呢一款長效保濕面霜係按壓式設計，比較少有面霜係採用呢款設計，但係試用完之後都覺得幾方便。
而呢一款面霜係晚間使用，平時喺冷氣房瞓咗六個鐘以上，塊面就會覺得乾乾地，有啲繃緊。但係用完CeraVe呢款長效保濕面霜，真係瞓醒之後唔會有繃緊嘅感覺，可以見到佢保濕嘅功效係好有用。乾燥肌膚使用呢個牌子嘅面霜係會有好有效嘅保濕功能，加上呢個牌子嘅產品都係同皮膚科醫生一齊開發，大大減輕咗產品導致皮膚敏感嘅問題發生，亦都可以好放心使用。

呢款面霜嘅質地都比較輕盈，搽上面會有滋潤感覺，但係唔會好黏笠，呢個值得一讚。
不過呢款保濕面霜嘅功效比較單一，如果淨係簡單想要保濕係好嘅選擇，但係如果想有其他美白，收毛孔，去黃功效就作用不大。

整體嚟講，呢款保濕面霜價錢合宜，都值得一試。